Comelec mangrehistro na sugod karong Agosto 1
CEBU, Philippines — Nanghinaut ang Commission on Elections nga motugot ang tagdumala sa mga malls nga adto ipahigayon ang voter’s registration sa pagbukas og balik niini.
Sugod Agosto 1 hangtud Septiyembre 30 ang gikatakda nga pagrehistro alang sa mga mobotar sa umaabot nga May 2020 nga eleksyon sa Barangay ug Sangguniang Kabataan (SK). “Mao pa na among gihulat if we will be allowed. Mas maayo sa mall kay para convenient sa mga voters. Nindot na 3 days before mo end ang registration,” matud ni Atty. Lionel Marco Castillano, ang Provincial Election Supervisor.
Ang Comelec niawhag nga kuhaon ang maong higayon nga makaparehistro ang dili pa rehistrado nga botante.
“Katong wala pa marehistro, katong magpa-transfer, correction of entry, change status, i-accommodate namo for two months, preparasyon namo sa May 2020 Barangay and SK elections,” matud ni Castillano.
Ang mga 17-anyos nga botante sa SK dili na usab kinahanglan pa mobalik pagparehistro.
“If 18 na sila before sa May election, sulod na sila sa among voter’s list,” matud ni Castillano.
Ang Comelec bukas kini gikan alas 8 sa buntag hangtud alas 5 sa hapon gikan sa Lunes hangtud Sabado apil ang holidays alang sa mga magparehistro. (BANAT NEWS)
- Latest
