CEBU, Philippines — Nakadawat na og hinabang ang mga pamilya nga nasunogan sa Sitio Huyong-Huyong ug Puntod Alaska, Mambaling, Dakbayan sa Sugbo niadtong Sabado sa hapon.
Kini gikan sa Department of Social Welfare and Development atol usab sa pagbisita ni Senator-elect Christopher Lawrence “Bong” Go.
Ang mga ayuda nga giapod-apod naglangkub sa family food pack, hygiene kit, sleeping kit, dining kit, cooking set, malong, dignity kit, ug tarpaulin.
Matud ni Go nga nagtambayayong ang gobiyerno ug pribado nga indibidwal aron sa paghatag og ayuda ngadto sa mga biktima sa sunog nga makabangon gilayon sila sa hinay-hinay ug aron usab makabalik gilayon sa pagtuon ang mga tinun-an nga nawagtangn ug kagamitan tungod sa sunog.
Dugang pa ni Go nga kinahanglan magtinabangay ang tanan sa pagtabang sa iyang isigkatawo ug gamiton ang panudlanana sa gobiyerno diha sa tukma ug sakto.
Atol sa pag-apod-apod sa mga ayuda gitambongan kini sa mga taga DSWD-7 ug mga opisyal sa Barangay Mambaling nga gipangulohan ni Kapitan Gines Abellana. (/GMR)(BANATNEWS)