Pusil sa polis naimbargo gikan sa tanod
Romeo T. Limpangog (Banat) - May 22, 2019 - 12:00am

CEBU, Philippines — Nagtingkagol karon sa detention cell sa Carmen Police Station ang amahan sa gitumbok nga nagpusil patay sa hepe sa kapolisan sa Lungsod sa Catmon nga nahitabo sa gabii niadtong Disyembre 24, 2016, human kini nadakpan sa kapolisan kay naghupot og armas nga walay lisensiya.

Ang nadakpan mao si Carmelo Jayson Sr., nagpuyo sa Sitio Sun-ok, Brgy. Puente sa Lungsod sa Carmen kinsa nasakmitan og kalibre 45 nga armas ug mga bala.

Si Police Corporal Ronnel Olivar sa Carmen Police Station miingon nga nakadawat sila og taho gikan sa nagpakabanang molupyo sa dapit labot sa armadong lalaki nga nasigpatan.

Dali kini nilang gihimoan og pakisusi ug ilang naaktohan ang suspek nga naghupot sa maong hinagiban.

Si Olivar miingon nga sa ilang gihimong pakisusi, ilang nasuta nga ang maong armas nga gitagoan sa dinakpan sulod sa dugay na nga panahon. Ang maong armas mao ang service firearm ni anhing Police Senior Inspector Alexander Nuñez.

Kahinumduman nga si Nuñez gikan sa Lungsod sa Catmon ug padulong untang mopauli sa ilang panimalay sa Lungsod sa Cordova alang sa pagsugat sa Pasko uban sa iyang pamilya.

Sa paglabay niini sa Lungsod sa Carmen, iyang  naagian ang mga  anak ni Carmelo nga sila si Carlito, Kardo, Jaime, Carlo, ug  Carmelo Jr. nga naghupot og armas nga maoy nakaaghat niini sa paghunong hangtud nga nahitabo ang krimen.

Anaa na karon sa prisohan ang magsuon ug posibleng mag-uban na sab sila sa ilang amahan kay kasamtangan na karong gihikay sa kapolisan ang kasong violation sa R.A 10591 o Comelec Gun Ban. (Rowena D. Capistrano/DILT)(BANATNEWS)

PNP
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with