Dakbayan sa Sugbo adunay bag-ong fire marshal
CEBU, Philippines – Ang Dakbayan sa Sugbo aduna kini bag-o nga fire marshal human sa turnover of command ceremony nga gipahigayon kagahapon sa buntag diha sulod sa buhatan ni Senior Superintendent Gilbery Dolot, direktor sa Bureau of Fire Protection (BFP)-7.
Si Chief Inspector Noel Nelson Ababon, outgoing fire marshal sa dakbayan gihulipan ni Fire Chief Inspector Josephus Alburo nga kanhi hepe sa Fire Safety Enforcement Section sa Cebu City Fire Station
Samtang si Ababon mao na karon ang hepe sa Regional Operations Division.
Si Fire Senior Inspector Arnel Abella mao na karon ang hepe sa Fire Safety Enforcement Section.
Matud pa ni Ababon nga ang ilahang movement karon preparasyon alang sa pagretiro ni Fire Superintendent Ronaldo Orbeta karong umaabot nga mga buwan. Si Ababon nagkanayon nga niining bag-o niya karong gihuptan nga tahas dako kini nga hagit tungod kay tibuok rehiyon naman ang iyang tutokan.
Tutokan usab ni Ababon ang mga galamiton alang sa operasyon sa kabomberohan sa rehiyon-7. (/BDB)(BANAT NEWS)
- Latest
