CEBU, Philippines – Aduna nay bag-ong opisyales ang kagamhanan sa siyudad sa Sugbo human giproklamar ang mga midaog pagka-Mayor, Bise Mayor, City Councilors ingon man Kongresista sa Cebu City sa National ug Local Election nga gipahigayun niadtong Lunes.
Kagahapon, bisan pa man duna pay 994 ka unaccounted votes giproklamar gihapon sa Board of Canvassers pinangulohan ni Atty. Chauncey Boholst sila si Labella ug Rama isip bag-ong Mayor ug Bise Mayor sa Cebu City..
Alas-3 sa hapon kagahapon, si Labella nakakuha og botos nga 265,436 samtang si Osmeña dunay botos nga 246,399 si Rama nakakuha og botos nga 261,381 ug si delos Santos nakakuha og botos nga 234,615. Si Mayor-elect Labella mapasalamaton sa katawhan sa Cebu City ingon man sa labaw nga makagagahom sa oportunidad nga gihatag niya aron siya makaserbisyo.
Nanghinaot sab siya nga tabangan siya sa katawhan sa siyudad sa Sugbo sanglit dili niya mahimo ang tanan nga siya lang gikinahanglan nga ang tanan magtinabangay alang sa kausaban.
Nanawagan sab kini og reconciliation, iyang gihulagway nga kini maoy labing importante dungan sa pagbutyag nga andam siya makigtrabaho kaalyado man o kaatbang sa politika.
“A political collaboration, it is very healthy exercise that there are democratic society like ours and I hope we are going to have a fruitful executive and legislative undertaking”, matud ni Labella.(/LPM)(BANAT NEWS)