Ang napusilan mao si Jovencio Abejero Ade, hingkod ang panuigon, taga barangay Albiga, Siaton kinsa patay na nga nadangat sa tambalanan.
File
Naghuramintado napatay sa polis
Camille L. Pateres (Banat) - May 14, 2019 - 12:00am

CEBU, Philippines – Patay ang usa ka lalaki kinsa giingong naghuramintado human kini mapusili sa polis nga niresponde niadtong Domingo sa Kadlawon sa Lungsod sa Siaton, Negros Oriental.

Ang napusilan mao si Jovencio Abejero Ade, hingkod ang panuigon, taga barangay Albiga, Siaton kinsa patay na nga nadangat sa tambalanan.

Matud sa direktor sa Police Regional Office (PRO)-7 Police Brigadier General Debold Sinas nga giingong nag-wild si Ade sa wala pa mahibaw-i nga hinungdan.

Ug dihang girespondehan kini sa mga polis giingong kalit kini nga namusil ug maayo na lang kay walay naigo sa mga polis. Ang mga polis nibawos og pusil aron unta ma-neutralize si Ade ug dali kining gidala ngadto sa Cong. Lamberto Macias District Hospital sa maong barangay apan gideklara kining patay na nga naabot sa tambalanan.

Nadeskobrehan sa mga sakop sa Scene of the Crime Operatives (SOCO) ang gigamit nga armas ni Ade nga usa ka colt caliber .45 ug magazine sa bala niini.

Dugang ni Sinas nga ang maong hitabo walay kalabotan sa eleksiyon. (/BDB)(BANAT NEWS)

PNP
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with