^

Banat Balita

Cortes di na motubag sa pagpangdaut

May B. Miasco - Banat

CEBU, Philippines — Karon nga natapos na ang pangampanya, ang mayoralty candidate sa Mandaue City nga si Jonas Cortes dili na gusto mobawos og bati nga mga pulong sa iyang kaatbang nga si incumbent mayor Gabriel Luis "Luigi" Quisumbing.

Ang 52-anyos nga incumbent congressman dili na gusto motubag sa publiko sa mga pagpangdaut sa pikas nga partido kay alang ni Cortes, ang kontra nga kusog mangdaut maoy walay nahimo.

"Ang atong kaatbang nagsige og panaut pero pasagdi lang... Pasagdan nato ang atong kaatbang, ang tawong desperado magsige og panaut sa entablado tungod kay walay nahimo sa iyahang pagpanerbisyo," matud ni Cortes sa iyang speech atol sa Meting de Avance sa Team Mandaue nga nahitabo sa hawanan sa North Reclamation Area niadtong Biyernes, Mayo 10.

Si Cortes mao ang standard bearer sa Team Mandaue nga midagan ubos sa Partido Demokratiko Pilipino–Lakas ng Bayan, nga mao ang ruling political party sa nasud.

Human nga ang 45-period sa local campaigning natapos kagahapon, si Cortes gusto lang nga pasagdan ang mga pangatake sa pikas partido bisan pa man og gikwestiyon na siya sa iyang pagpakahilom.

"Kamo nakadungog na sa atong kaatbang sa ilang pagpangdaut ug panghimaraut. Gani daghan nangutana nako,  'Mayor, nganong dili man na nimo baslan ang imong kaatbang? Grabi ang pagpangdaut. Kon dili na nimo tubagon, basig motuo ang taga-Mandaue?' Ang pagtubag pwede pero ang pagpanimalos dili na, wala mi tudloi sa among ginikanan nga ang sayop pagabaslan og laing sayop," sigon niya.

"Kaning eleksyon, all we have to do is to have thorough discerning, the ability to know of what is right. Gikinahanglan nga atong timbangtimbangon tungod kay daghan ganahan moserbisyo pero ang pangutana kinsay angay?" dugang pa niya. Ang kalihukan sa Team Mandaue niadtong Biyernes sa gabii gitambungan og gibana-banang 22 mil ka tawo, matud ni Atty. Jamaal James Calipayan, ang chief of staff ni Cortes.

Matud niya nga ang crowd estimate sa miaging gabii mas daku kon ikumpara sa gidaghanon sa tapok sa higayon sa opening salvo nga nahitabo sa susamang venue.  (/DILT)(BANATNEWS)

CORTES

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with