Dumadapig sa Alayon nihugop, Grupo nagbantay sa kalihukan
Gabriel C. Bonjoc (Banat) - May 10, 2019 - 12:00am

CEBU, Philippines – Giingong kapin sa 8 mil ka tawo ang nitambong sa miting de avance sa grupong Alayon sa Siyudad sa Talisay pinangulohan ni Mayor Eduardo Gullas nga magpapili pagkakongresista sa unang distrito sa Probinsiya sa Sugbo ug sa iyang apo nga si Kongresista Gerald Anthony “Samsam” Gullas, Jr. nga magpapili usab pagkamayor sa siyudad.

Gihimo ang kalihukan diha sa pribadong luna atbang sa Talisay City Hall sa Barangay Lawaan 2 niadtong Miyerkules sa gabii. Gisugdan ang kalihukan pinaagi sa torch parade diin ang mga supporter sa Alayon gikan sa 22 ka barangay nagpanon nga nagdala og solu (torch) ug nag-abot diha sa dakong hawan.

Si Samsam nipadayag nga iyang tutokan ang basic services, edukasyon, panglawas, turismo ug dugang imprastraktura.

Si Samsam nipasalamat sa mga tawo nga niuban kanila sugod sa sinugdanan sa ilang pagpangampaniya.

Giendosar sa grupong Alayon ang mga nagpapiling senador nga sila si Sonny Angara ug Cynthia Villar ingon man si Kongresista Gwendolyn Garcia nga magpapili pagkagobernador ug ang iyang tandem nga si Daphne Salimbangon.

Sa laing bahin, nagkatag na ang grupo sa mga tawo nga ang tinguha mao ang hapsay ug patas nga piniliay karong tuiga.

Si Diel Lanzon, presidente sa Mula sa Masa Du30 Movement (MMDM) Talisay chapter nibutyag nga naumol ang ilang grupo gumikan sa ilang kawsa nga puhagon ang tradisyonal nga sestema sa pamolitika diin haylohon ang botante og kwarta. (/BDB)(BANAT NEWS)

ALAYON NIHUGOP
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with