Baka nakabuhi natimpasaw sa septic tank

CEBU, Philippines – Natimpasaw diha sa septic tank human natagak ang usa ka baka nga nakabuhi kagahapon sa buntag diha sa Rainbow Ville, Barangay Pooc, Dakbayan sa Talisay.

Si Senior Inspector Arra Alpajaro, fire marshal sa Siyudad sa Talisay nagkanayon nga nakabuhi sa iyang higot ang baka diin wala makahibawo ang tag-iya niini nga si Analee Abellana. Naabot sa tag-as nga sagbot nga naper ang itom nga baka diin nipatong kini sa septik tank nga huyang diha sa lugar.

Ug tungod sa kabug-at sa maong baka nahugno ang septic tank hinungdan nga natagak kini.

Matud ni Abellana nga nasiri-siri siya og pinangita sa iyang baka ug wala dayon niya kini makita tungod kay nasulod man kini sa septic tank.

“Nakahilak gyud ko uy! kay mamatay unya akong baka. Nah! ka anugon gihangyo na raba na og P20 mil”, matud ni Abellana.

Samtang si Alpajaro nibutyag nga nilanat ngadto sa 30 minutos ang ilang pagluwas sa baka  diin ilaha kining gihigtan ug gibitad nila sa ilang sakyanan aron mosaka. (/BDB) (BANAT NEWS)