CEBU, Philippines — Bisan og adunay hulga sa iyang kinabuhi, dili exempted si San Fernando Mayor Lakambini Reluya sa mandato sa Department of Interior and Local Government diin gilimitahan sa tag duha ra ka police security escorts matag kandidato sa umaabot nga midterm election.
Sa taho gikan sa kaulohan, miingon si DILG Assistant Secretary Jonathan Malaya nga tagduha ra gyud ang police escorts ang ihatag ngadto sa mga kandidato.
Ang direktor sa Cebu Provincial Police Office nga si Police Senior Supt. Manuel Javier Abrugena nagkanayon nga si Reluya maoy mangunay og apply sa special exemption ngadto sa Commission on Elections.
“Kailangan dumaan sa proseso, definitely. Kung meron siyang additional security escort na hindi nagdaan sa saktong proseso, definitely masa-sanction ang polis natin kung meron,” nagkanayo si Abrugena.
Gitin-aw ni Abrugena nga ang Comele maoy mo-screen sa mga application sa hatagan og exemption.
Kon tugotan, adunay dokumento nga ihatag ang Comelec kabahin sa pagpapuno og police security.
“If an individual feel threatened, and may presence ng immediate threat they can apply sa Comelec, not necessarily police, may security agencies din naman, that can provide security escorts,” dugang ni Abrugena.
Hinuon sa pagkakaron, giingong wala pa siyay nadawat nga dokumento gikan sa mga magpapili karon umaabot eleksiyon.
“Wala pa, as far as I know. Kasi una makakaalam is Comelec. Ang Comelec will give document to sign. So I will know,” sigon niini.
Gisuwayan sa pagkontak sa Banat News ang direktor sa Police Regional Office-7 nga si Chief Supt. Debold Sinas kabahin sa una nang gihatag nga mga police security escorts alang kang Reluya human kini gibanhigan niadtong Enero 22 sa may Brgy. Linao, Dakbayan sa Talisay, apan wala pa kini motubag. (/DILT)(BANATNEWS)