Ang pangulo sa COSAP nga si Garry Lao wa mahimuot dihang pipila ang nangutana kanila kung unsaon pagdawat og libreng condom.
File
Way libreng 'condom' — Cebu City Office for Substance Abuse Prevention
Decemay Padilla (Banat) - February 13, 2019 - 12:00am

CEBU, Philippines – Hugtanong gihimakak sa Cebu City Office for Substance Abuse Prevention (COSAP) ang migawas nga report nga manghatag ang ilang buhatan og libreng 'condom' karong Huwebes nga adlaw sa Valentine’s.

Ang pangulo sa COSAP nga si Garry Lao wa mahimuot dihang pipila ang nangutana kanila kung unsaon pagdawat og libreng condom.

Si Lao miingon nga ang ilang buhatan dili maoy ahensiya sa gobyerno aron manghatag og ingon niini, dungan sa pagbutyag nga ang trabaho nila mao ang pagpahigayon og drug test, information dissemination labot sa dili maayong epekto sa drugas ingon man kalingawan sa barangay.

“Ang among buhatan sa COSAP dili man ang ahensiya sa gobyerno nga diin mopanghatag og condom unya its not true nga among office mang-distribute og condom karong February 14. Karong 14 agi’g kasaulogan sa adlaw sa kasing-kasing ang among office mopahigayon og kalingawan ngadto sa bukirang barangay," matud pa ni Lao.

Kahinumduman usa ka Facebook post ubos sa account name nga “COSAP Cares” ang mi-anunsiyo nga  manghatag og libreng condom karong Valentine’s Day.

Diin gisukip sa maong post ang hulagway ni Cebu City Mayor Tomas Osmeña nga dunay nakasulat “Be wise karon February 14 manghatag mi og libreng condom”.

Naapil ang ngalan ni Konsehal Pastor Alcover Jr. sa maong isyu human ni-post sab kini sa iyahang Facebook account labot niini.

Apan gihimug-atan ni Alcover nga gi-forward ra kini sa iyaha ug dihang iyang naklaro kang Lao nga dili kini tinuod iyaha ra sab kining gi-delete ug nangayo og pasaylo. — (/LPM)(BANAT NEWS)

CEBU CITY OFFICE FOR SUBSTANCE ABUSE PREVENTION CONDOM
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with