62 ka lugar girekomendar nga mabutang sa EWAS
Camille Pateres (Banat) - February 13, 2019 - 12:00am

CEBU, Philippines – Gibutang sa Election Watchlist Areas (EWAS) ang 62 ka mga lugar sa Central Visayas  diin ang 14 niini sa red category gumikan sa posibleng pag-ulbo sa kasamok sa umaabot nga piniliay karong buwan sa Mayo.

Sa datos sa Police Regional Office-7 nga gipresentar sa direktor nga si Chief Supt. Debold Sinas, pito  niini sa Negros Oriental, lima sa Bohol ug duha sa Cebu.

Samtang 45 ka mga lungsod lakip mga dakbayan gibutang sa orange code samtang tulo sa yellow code.

Anaa sa orange code ang mga dagkong siyudad sa Metro Cebu: Dakbayan sa Mandaue, Cebu City; ug Lapu-Lapu City.

Apan matud ni Sinas ma-downgrade pa kini sanglit adunay mga gipangbuhat nga mga peace covenant signing  ug candidates forum ang mga magpapili karong midterms election.

Apan lahi sa Negros Oriental tungod dunay presensya sa mga rebelde ug  mga private armed groups (PAGs).

"Hinayhinay og downgrade including sa Cebu island ang maglisud lang mi og downgrade sa category is kadtong sa Negros (Oriental), among sabot sa AFP kay i-remain ‘to," si Sinas nagkanayon.

Iyaha hinuong giklaro nga rekomendasyon pa nila kini ngadto sa Commission on Elections ug ang maong ahensya na ang mag-aprobar sa maong kategorya.

Adunay upat ka mga kategorya sa EWAS: green, yellow, orange ug red.

Ang green gikonsiderar nga wala gyuy political rivalry o bisan unsa pa man nga samok sa eleksyon, ang tibuok Siquijor gibutang sa maong kategorya. Ang yellow category sab adunay usa ka kakulian kun moduha na kini automatic nga isang-at kini sa orange status.

Kun moabot ngadto sa tulo pataas ang problema sa usa ka lugar labot sa piniliay, hayan ibutang kini diretso sa red category. Gituyo kini aron himuong basehan sa pagpadala unya og dugang magbalantay sa seguridad.

Kagahapon gipahigayon ang Security Preparation for midterm election conference sa PRO-7 ug sa Armed Forces of the Philippines-Central Command (AFP-CENTCOM) diin ila nang gi-asses ang mga lugar nga angayang tutokan karong eleksyon.

"As early as now we would want to assess kung ano talaga ang actual to make sure na ma-secure nato ang atong election," miingon si Lieutenant General Noel Clement, kumander sa AFP-CENTCOM.Ang AFP maoy motabang pagbantay sa mga lugar nga di makaya sa kapolisan. (/IBM)(BANAT NEWS)

 

EWAS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with