Gibana-bana ni Cebu City Fire Marshall Noel Nelson Ababon nga kapin sa P1 milyon ang danyos sa maong sunog ug nadawat nila ang alarma mga alas 10:00 sa buntag.
Paul Jun E. Rosaroso
100 ka balay naugdaw sa sunog
Decemay P. Padilla, Rowena D. Capistrano, Camille L. Pateres (Banat) - December 6, 2018 - 12:00am

CEBU, Philippines — Pipila ka buwan pa lang human niulbo ang sunog diha sa Purok 3 Lower Lipa, Barangay Kamputhaw, Dakbayan sa Sugbo laing sunog na usab ang niulbo kagahapon diha sa lugar diin nikabat  ngadto sa 100 ka balay ang naugdaw.

Gibana-bana ni Cebu City Fire Marshall Noel Nelson Ababon nga kapin sa P1 milyon ang danyos sa maong sunog ug nadawat nila ang alarma mga alas 10:00 sa buntag.

Matud ni Ababon nga mga alas 10:45 sa buntag gideklara kining Task Force Alpha ug nakontrolar ang kayo sa maong sunog mga alas 11:15 sa buntag ug mga alas 4:04 sa hapon nadeklarang fire out.

Gibutyag ni Ababon nga nagsugod diha sa interior portion sa maong lugar ang kayo apan wala pa nila matino ang hinungdan sa maong sunog.

Nunot niini, ang kapitan sa maong barangay nga si Jessica Cadungog nagkanayon nga magpatabang sila karon sa kagamhanan sa Dakbayan sa Sugbo sanglit nahurot na ang ilang calamity fund nunot usab sa nahitabong sunog sa Lower Lipa niadtong buwan sa Agosto.

Si Constancio Gutierrez usa sa mga nasunogan nibutyag nga nakadungog siya og singgit nga adunay sunog ug sa iyang pagsusi didto ang kayo sa bongbong sa balay ni Rabby Salapi hinungdan nga dali nilang gitabang ang pagpagawas sa tulo ka bata ug apohan niini.

Si Edgardo Magno, tanod sa maong barangay nibutyag mao nalang ang iyang namat-an ang pukaw sa iyang asawa nga adunay sunog ug sa iyang pagsusi dako na kaayo ang kayo ug wala na silay nabitbit gawas sa iyang gamay nga bag nga anaa ang iyang identification card.

Sa laing bahin, ang luna nga gitukoran sa mga balay nga biktima sa sunog  gipanag-iya sa University of the Philippines.

Ang Division for the Welfare of the Urban Poor (DWUP) nagpadala kini og sakop aron mohimo og ocular inspection ug pag-ila sa tag-iya sa luna.

Ang operations chief sa DWUP Genevieve Alcoseba nagkanayon nga iyaha sa UP ang maong luna nga nasunogan

Matud ni Alcoseba nga makig-estorya sila sa UP kabahin niini aron mahan-ay kon mosugot sila nga ipaubos sa re-blocking ang lugar.

Si Alcoseba nihangyo sa mga residente sa dapit nga dili una motukod og balik sa ilang mga balay ug hatagan una sila og higayon nga makig-alayon sa unibersidad ingon man sa mga representante sa mga nasunogan. - Nichole Alexis A. Abas, USJ-R Intern, BDB (BANAT NEWS)

SUNOG
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with