CEBU, Philippines – Nikunhod og P140 milyones ang gipangayo nga pundo sa Provincial Health Office alang sa 2019 gikan sa P773.9 milyones karong tuiga ngadto na sa P633.8 milyones.
Matud ni Dr. Rene Catan, pangulo sa PHO, nga pipila sa mga kinahanglan sa ilang buhatan aduna nay budget karong tuiga.
Labing daku sa ilang gisugyot nga budget sunod tuig alang sa Special Project Allocation (SPA) sa kantidad nga P473 milyones gikan sa P637 milyones karong tuiga.
Ang Personnel Services (PS) sa PHO ang gipasakaan gikan sa P85 milyones ngadto na sa P94 milyones nunot sa padayong pagpanguha og dugang medical personnel alang sa mga provincial ug district hospitals.
Ang Maintenance and Other Operating Expenses nikunhod gikan sa P48 milyones ngadto nalang sa P14 milyones. (/GMR)(BANAT NEWS)