Margot nihimakak gipamolitika ang allowance sa kapolisan
CEBU, Philippines – Gisalikway ni Konsehal Margarita Osmeña, chairman sa committee on budget and finance sa konseho sa siyudad, ang pasangil ni Cebu City Police Office director, Senior Supt. Royina Garma, nga gipolitika ang paghatag og allowance sa kapolisan.
Nabuhian ni Garma ang maong pasangil nunot sa plano ni Cebu City Mayor Tomas Osmeña nga kadto lang mga polis nga residente ug rehistrado nga botante sa siyudad ang hatagan og incentive allowance.
Nagtuo si Garma nga ang pagbinayloay nila og mga pulong kauban si Police Regional Office 7 Director Debold Sinas tali ni Mayor Osmeña ang hinungdan.
Apan si Konsehal Osmeña nibutyag nga dili niya malalis kun mao kini ang gisulti ni Garma apan iyang gihimug-atan kun maghisgot og suporta sama sa logistics ug fuel, ang kagamhanan sa siyudad wala nagkuwang niini.
“We have always supported sa fuel and we can give you the actual amount so far and sa logistics there are also other appropriations there approved that has not been used and they have been reminded that they can use it only it has to go to process they have to present how they want to use it, again these are MOOE this will expire by the end of the year unless they can submit a proposal so that we can hold it over until next the next year and obligate it, but I would like to remind them of that, they know that,” matud ni Konsehal Osmeña.
Labot sa pamahayag in Garma nga matud pa ang gihimo sa siyudad atake batok kaniya, si Konsehal Osmeña subling nitataw nga wala gi-single out ang kapolisan dungan sa pagbutayag nga dili kini personalon.
“I don’t think there’s anybody singled out because then it will be also an attack against the NBI, against the PDEA, and against the Maritime Police, so maybe we should not take things personally, in the line of work that all of us are doing in government, everybody has a role to play sometimes there are some miscommunication in between but not to take things personally coz’ nothing will happen in that way,” dugang sa konsehal.
Gihimug-atan sab niini nga sundon nila ang mando sa mayor. (/GMR)(BANAT NEWS)
- Latest
