Unang pagpamusil nahitabo sa may Purok Amplaya, Barangay Cambaro diin usa ka habal-habal driver ang gipusil patay.
File
Barangay konsehal, surrenderer patay
Rowena D. Capistrano (Banat) - October 11, 2018 - 12:00am

CEBU, Philippines – Duha ang patay ug usa ang angol sa pagpamusil sa Dakbayan sa Mandaue sulod lang sa pipila ka oras kagahapong adlawa.

Unang pagpamusil nahitabo sa may Purok Amplaya, Barangay Cambaro diin usa ka habal-habal driver ang gipusil patay.

Ang biktima giila nga si Danilo Cantilla, 53, usa ka drug surrenderer sa maong lugar, samtang ang mga mamumuno sakay sa usa ka motor nga pulos naka-bonnet.

Base sa inisyal nga imbestigasyon sa kapolisan nga nagmaneho sa iyang motorsiklo ang biktima dihang kalit lang nipatim-aw ang mga mamumuno dayun pusil ug swerte nga wala naangol ang pasahero niini nga tinun-an.

Matud ni Brenda, asawa sa namatay, nga sayo nibiya ang iyang bana sa ilang balay aron pagpamasahero ug mao na lang ang iyang nasayran nga gipusil na dili layo sa barangay hall.

Dugang sa asawa nga hapit na unta mahuman sa iyang community-based program ang iyang bana kinsa wala siya nasayud kung nganong nipaubos kini sa maong programa nga dili man gani kini manigarilyo ug moinom.

Wala sab nasayud ang asawa kung duna bay na-engkwentro ang iyang bana.

Ang biktima nakaangkon og ubay-ubay nga samad pinusilan sa kalawasan.

Ikaduhang pagpamusil nahitabo sa may P. Burgos Street, Alang-Alang alas 12:20 sa udto diin ang biktima nga nakalas naila nga si kanhi Cubacub kapitan ug karon Konsehal Edgar Bihag samtang angol ang kuyog niini nga si Rolando Vega.

Matud ni Senior Police Officer 3 Renato Canja nga sakay sa ilang bag-ong garbage truck ang mga biktima kuyog sa bag-ong kapitan nga si Almario Bihag nga maoy nagmaneho ug kalit lang sila gipamusil sa nag-inusarang mamumuno.

Swerte nga wala naigo ang kapitan ug ang ubang sakay niini apan si Bihag ug Vega maoy naigo hinungdan nga dali kining gidala sa Mandaue City District Hospital apan ala 1:35 sa hapon nakutloan sa iyang kinabuhi ang konsehal. (Romeo T. Limpangog/GMR) (BANAT NEWS)

 

DEAD
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with