CEBU, Philippines — Nisuway sa pagpakig-areglo ang nabilanggo nga Russian national sa kasong child trafficking ngadto sa inahan sa giingong biktima.
Usa ka inahan ang nidangop sa Consolacion Police Station diin gireklamo ang langyaw nga si Dmitri Nikouline sa giingong pagpangabuso niini niadtong Mayo.
Unang gihangyo sa pagpakig-areglo sa kaso ang duha ka inahan sa mga biktima bugti sa tulo ka tuig nga suporta sa ilang mga anak nga giingong iyang giabusohan.
Ang duha ka inahan ang nisuway pagkumbinsir sa lain pang inahan sa mga biktima apan dunay nagdumili ug nihangyo hinoon sa Children’s Legal Bureau sa pagsang-at og tukmang kaso batok sa akusado ug sa duha ka inahan. – GMR (BANAT NEWS)