Mga nahitabong landslides ipaimbestigar sa Kongreso
CEBU, Philippines — Paimbestigahan sa House of Representatives ang nahitabong landslide sa City of Naga, Cebu lakip na ang nahitabo didto sa Benguet diin daghan sab ang namatay human matabuni og yuta.
Si Cebu City South District Representative Rodrigo Abellanosa miingon nga magpatawag siya og public hearing aron ma-imbestigahan ang nahitabo sa City of Naga, Cebu ug sa Benguet.
Si Abellanosa ang kasamtangang pangulo sa committee on natural resources.
“Resolutions have already been file calling for the investigation of the Benguet incident. We will include the most recent Naga tragedy,” matud niya. Sa wala pa mag-landslide sa Naga, miluwat na og press release si Abellanosa kinsa miingon nga i-review ang tanang pending ug existing nga mga balaudnon nga may kalabutan sa mining industry sa nasud.
Gani, si Presidente Rodrigo Duterte miingon nga ang Kongreso angay motuon sa pag-repeal sa Philippine Mining Act of 1995 human sa landslide sa Benguet gumikan sa bagyong Ompong.
“We will hold a committee meeting as soon as possible to take up the resolutions and hopefully schedule a public hearing to investigate both incidents,” matud ni Abellanosa.
Dugang niya nga dili na siya gusto og laing trahedya nga mahitabo sa nasud tungod sa mining.
Matud ni Abellanosa nga makig-istorya sab siya ni House Speaker Gloria Macapagal Arroyo karong Lunes labot sa mining industry. (/DILT)(BANATNEWS)
- Latest
