Angkas, habal-habal drivers gi-seminar
Richel Ann P. Basiga (Banat) - September 8, 2018 - 12:00am

CEBU, Philippines — Gatusan ang nitunga sa pulong-pulong nga gipasiugdahan sa lokal nga kagamhanan alang sa pag-edukar sa mga Angkas drivers lakip na ang habal-habal drivers kabahin sa pagsunod sa lagda sa trapiko sa Dakbayan sa Sugbo.

Nahisgutan sa maong pulong-pulong ang pagtuman sa mga traffic signages sa kadalanan nga mao gyud ang kanunay nga malapas sa mga drayber.

Usa sa gitutukan ang counter flow sa mga drayber nga maoy makaingon sa daghang aksidente sa motorsiklo labi na sa bahin sa mga Angkas ug habal-habal.

Si Delfin Adolfo sa buhatan sa mayor niingon nga inisyatibo sa Angkas Drivers Association ang kanunay nila nga paghangyo og pulong-pulong alang sa mga bag-ong miyembro.

Dugang ni Adolfo nga importante sab sa usa ka drayber nga mosul-ob sa saktong gears o suit aron sa paglikay sa disgrasya lakip ang paghatag og bili sa personal hygiene sa usa ka drayber.

Dili sab pwede nga duha ang mosakay nga pasahero sa usa ka Angkas ug kung gabii na kinahanglan mosul-ob og reflectorized vest aron makita sila sa kadalanan ug dili magtsinelas.

Ang Angkas president sa Fuente Circle Cluster nga si Lyndon Ubaob niasoy nga puwede gyud nga ang usa ka pasahero moreklamo kung malapas sa drayber ang traffic rules. Kuhaan lang og hulagway sa pasahero ang plate number sa motor lakip na kung unsang orasa nahitabo ang kalapasan dayon direkta nga isumiter sa ilang opisina nga nahimutang sa F. Cabahug Street, Siyudad sa Sugbo.

Dugang ni Ubaob nga niumento na ang mga drayber sa Sugbo ug base sa rehistrado nga Angkas drivers, niabot na sila sa 4,000 ka drayber.

Subay sa maong kasayuran, ang kagamhanan andam gihapong mohatag og seminars ug trainings alang sa mga Angkas drivers ug habal-habal drivers alang sa seguridad sa katawhan. (Masscom Intern/GMR) (BANATNEWS)

ANGKAS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with