CEBU, Philippines — Hubog ug sabog sa ginadiling drugas ang gidakop human nakiglayog sa kapolisan sa Siyudad sa Talisay sa may J & J Convenience Store sa Barangay Lawaan 1 niadtong Lunes sa buntag. Ang gidakop mao si June Gary Cañedo, 33, taga Upper Mohon sa maong siyudad.
Si PO2 Ryan Baculi sa Talisay City Police Station nibutyag nga nitawag kanila ang mga residente sa lugar labot sa lalaking nagbitbit og kutsilyo.
Sa ilang pag-abot ilang gisuwayan sa pagpakighinabi ang nagmaoy nga lalaki apan nagdumili kini sa pagtahan sa iyang kutsilyo.
Asoy pa ni Baculi nga daku-daku gyud nila ang suspek apan sila nagsabot sa iyang kauban nga si PO2 Sydney Alisoso nga ilang lipaton.
Gilipot ni Alisoso ang armadong lalaki ug gilayog hangtud nga nangaligid ug gitabangan sila sa mga tawo sa lugar aron makuha ang hinagiban. Sa ilang pagrekisa sa suspek aduna pa kini .38 revolver nga adunay duha ka bala. (/GMR)(BANATNEWS)