CEBU, Philippines — Nabalaka ang kanhi kapitan sa Barangay Lawaan 3, Dakbayan sa Talisay human siya nakadawat og mga mensahe gikan sa wala matino nga tawo.
Si Delia Ybañez, 61, taga San Jose Village sa maong barangay, nidangop sa kapolisan niadtong Domingo sa buntag human siya nahulga.
Iyang giasoy nga nikalit lang sa pagsulod sa iyang cellphone nga nag-ingon nga ipaubos siya sa “tokhang” ug gani siya niingon nga siya ug ang mayor maoy isunod nga patyon.
Wala magdugay naabot na sab ang laing mensahe nga nagpahimangno kaniya nga magbantay-bantay kay silingan ra sila. Si Supt. Marlu Conag, hepe sa kapolisan sa siyudad, niingon nga iyang ipasusi ang maong taho ug himoan og validation ang mensahe nga nadawat.
Iyang gitambagan ang kanhi opisyal nga motawag dayon sa ilang buhatan kun adunay mamatikdang dili maayo nga sitwasyon. (BANAT NEWS)