CEBU, Philippines — Gibalhug sa detention cell sa Daanbantayan Police Station ang 21-anyos nga lalaki nga nadakpan sa checkpoint samtang sakay sa motorsiklo nga wala mag-helmet ug nagdala og mga paraphernalia sa swertres. Gihimo ang pagdakop alas 10 pasado sa niaging gabii sa Barangay Paypay diin gipahigayon ang checkpoint nga gipangulohan ni Police Inspector Roy Susvilla.
Giila ni Susvilla ang nadakpan nga si Louieje Neri, 21, nagpuyo sa maong dapit, kinsa nakuhaan gibandol nga mga papel nga gisuwatan og mga numero sa swertres hinungdan nga ilang gidakop. (/GMR)(BANATNEWS)