CEBU, Philippines – Usa ka kimpang nga senior citizen ang nasikop sa kapolisan sa Siyudad sa Naga atol sa buy-bust operation sa Barangay Langtad niadtong Huwebes sa gabii.
Ang dinakpan mao si Ernesto Genodiala alyas Boy Kimpang, 65- anyos, minyo nga nagpuyo sa maong lugar.
Ang kapolisan nihimo og operasyon batok ni Genodiala gumikan sa iyang ilegal nga kalihukan ug dali ra nikagat ang suspek hinungdan sa iyang pagkasikop.
Nakuhaan siya og unom ka gagmay nga pakete sa shabu nga nitimbang og 0.03 nga gramo nga mobalor og P3,540.
Nailhan nga bag-o lang sa pagnegosyo sa ilegal nga drugas ang suspek apan dali ra sab kini nga nahibaw-an.
Sakto na sa pangedaron ang suspek nga aduna pay deperensya sa iyang tiil ang nangyawat sa pagpamaligya sa ginadiling drugas.
Gidala sa Naga City Police Station ang suspek ug gibalhug sa bilanggoan. (/GMR)(BANAT NEWS)