CCNSH nidako ang bayrunon sa kuryente
CEBU, Philippines – Nagduda si Cebu City Mayor Tomas Osmeña nga adunay niabuso paggamit sa kuryente o ba kaha dunay illegal connection diha sa Cebu City National Science High school nganong naabot P369,984.23 ang ilang balayrunon sa kuryente sa milabay nga tulo ka buwan.
Si Cebu City Mayor Tomas Osmeña mipadala ni Konsehal Joy Augustus Young, Deputy Mayor for Education ngadto sa Commission on Audit (COA) aron susihon kon dili ba makwestyon ang siyudad kon motabang sila pagbayad niini.
Kini tungod kay dili buot sa mayor nga mabalda ang klase sa mga tinun-an tungod sa problema nga kinahanglang sulbaron dayon. Ang CCNHS adunay bag-ong building.
Sigon ni Osmeña ang CCNSH mokunsumo gyud og kuryente nga sobra sa ilang available budget kay daghan kini og electrical appliances, apan nahibulong kini kon nganong nidako ang bill nga anang mga buwana wa may klase.
“But presuming that there’s nothing irregular sa paggamit sa kuryente, is COA authorized to restrict the limit of electrical expenses? Is that the mandate of COA?” pangutana sa mayor.
Matud niya, mas angayan kon ang DepEd maoy mokwestyon ug modesisyon bahin niini.
Ang Visayan Electric Company wala una moputol sa ilang kuryente sa miaging adlaw human ang DepEd Cebu City Division ug City Government mipadayag sa ilang intensiyon nga motabang sa eskwelahan. (/IBM)(BANAT NEWS)
- Latest