SOCO gihulip sa CSI
CEBU, Philippines – Gibalhin ni Police Regional Office-7 director, Chief Supt. Debold Sinas, ang pwersa sa Cebu City Police Office Crime Scene Investigation ug nimugna og bag-ong Scene Of the Crime Operatives-Metro Cebu aron ma-level-up ang pagsulbad sa krimen.
“Gi-empower nako ang crime lab kay supposed to be sila lang ang forensic and scientific and ilang SOCO Team duha tulo lang. Why not attach the CSI then train and integrate the system,” si Sinas niingon.
Sukwahi sa kaniadtong CSI nga ubos sa CCPO, ang SOCO-Metro Cebu ubos na sa PRO-7.
Ang hepe sa Investigation and Detective Management Branch nga si Supt. Ryan Devaras nagkanayon nga wala silay nakitang problema sa maong kausaban.
“Wa may kausaban. Mao ra gihapon. Gihan-ay lang nato ang organization so that naa ta sa on the right track,” si Devaras niingon. (/GMR)(BANAT NEWS)
- Latest