CEBU, Philippines — Wala’y problema ni Cebu City Mayor Tomas Osmeña ang plano ni kanhi mayor Michael Rama nga molansar og balik sa umaabot nga piniliay sunod tuig.
Sa umaabot nga piniliay, si Rama nagtinguha nga modagan pagka-mayor sa siyudad sa Sugbo diin ang posibleng kaatbang niini mao si Mayor Osmeña.
“I don’t care what they do, basta me I’m just trying to do my job and do what’s good for Cebu. Who am I to say who should run and who should not run”, asoy ni Osmeña.
Nagsugod si Rama sa iyang political career niadtong 1992 diin nagsilbi kini isip City Councilor nga milungtad hangtod sa 2001 ug niadtong 2001 ngadto na sa 2010 si Rama napili isip Vice Mayor ug sa 2010 ngadto na sa 2013 nakadaog pagka mayor sa siyudad.
Sa 2013 ngadto na sa 2016 napili kini pagbalik isip Chief Executive sa dakbayan apan niadtong 2016 Mayoral Election gipildi siya ni Osmeña.
Hinoon ang maong plano ni Rama hisgutan pa niya sa mga kaubanan niini sa BARUG-Team Rama. Adunay mga nigawas nga estorya nga si Bise Mayor Edgardo Labella nga kaalyado ni Rama maoy ituboy sa PDP-Laban pagkamayor sa siyudad sa sunod tuig.
Si Konsehal Sisinio Andales nga kaalyado ni Osmeña uyon sa plano ni Rama.
“We welcome Mike running under Barug Team Rama and hoping Vice Mayor Labella will also run under PDP Laban para three-corner fight next year. Nindot abangan.” (BANAT NEWS)