SK gipaubos na sa training
Le Phyllis F. Antojado (Banat) - May 18, 2018 - 12:00am

CEBU, Philippines – Dili mominus sa 9,000 ka bag-ong opisyal sa Sangguniang Kabataan sa Lalawigan ug Dakbayan sa Sugbo ang gipaubos na og sugod sa mandatory training una pa sila makalingkod sa katungdanan.

Sugod kagahapon hangtud sa Mayo 26 ang seminar nga gipasiugdahan sa Department of Interior and Local Government (DILG) ug giabagan sa pipila ka unibersidad sama sa University of San Jose-Recoletos (USJ-R) ug Cebu Institute of Technology-University (CIT-U).

Ang CIT-U ug USJ-R ang gipili sa DILG nga maoy Learning Resource Institute (LRI) Service Provider sa lima ka modules sama sa decentralization and local governance, SK history and its salient features, meetings and resolutions, planning and budgeting ug Code of Conduct and Ethical Standards.

Ang mga speakers ang gipaubos sab sa trainings sa wala pa ang SK mandatory training.

“Ang SK sa una walay ingon ani nga training, so we are very blessed nga we are the pioneer SK Reform Law candidates nga nahatagan og chance nga makaapil aning mandatory training. Nindot siya nga opportunity kay kung mas daghan kang nahibaw-an, mas daghan kang matabang,” sigun pa ni Jhopil Rj Labra, SK Chairman sa Lorega-San Miguel, Dakbayan sa Sugbo.

Kagahapon sab gipahigayon ang oath taking sa mga bag-ong napili nga opisyal sa SK nga gipangulohan ni Cebu City Mayor Tomas Osmeña.

Samtang giawhag ni Cebu City Vice Mayor Edgardo Labella ang mga politiko nga dili impluwensiyahan ang SK sa pagpili sa ilang presidente sa SK Federation pinaagi sa paghatag kanila og kagawasan.

Kini nunot sa mayoriya sa mga nidaug sa SK Chairman kaalyado sa Bando Osmeña Pundok Kauswagan (BOPK) nga partido ni Osmeña.

Dili buot si Labella nga impluwensiyahan ang mga batan-on sanglit siya nagtuo nga makadesisyon kini kung kinsa ang angayang ibutang sa pwesto.

Ang mapiling SKF president molingkod isip ex-officio member sa Sangguniang Panlungsod sa Dakbayan sa Sugbo.

Subling gitataw ni Labella nga mayoriya man o dili sila sa Partido Demokratiko Pilipino-Lakas ng Bayan (PDP-Laban) sa konseho sa siyudad, wala siya mahulga ug magpadayon lang gihapon sila sa paghimo sa ilang trabaho bisan og makuha sa BOPK ang mayoriya sa konseho. (Katrina Aguirre, CNU Intern ug Decemay P. Padilla/GMR)(BANAT NEWS)

 

SK
Philstar
Facebook
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with