CEBU, Philippines – Gihatagan og Medal of Excellence sa Coalition for Better Education ang pito ka tinun-an sa nagkalain-laing unibersidad sa Dakbayan sa Sugbo.
Si Ed Bernardo Visitacion nigradwar sa Bachelor of Secondary Education major in English isip Cum Laude ug usa ka recipient sa COE Leadership Award sa University of San Jose-Recoletos.
Si Januar Lumawag nigradwar sa Bachelor of Secondary Education major in Filipino nga nakaangkon og pasidungog gikan kang Hon. Bebs Pepito ug Outstanding Leadership Award, Outstanding Student Teacher, Service Awardee ug Academic Excellence Awardee gikan sa Consolacion Community College.
Gipamatud-an ni Lumawag nga ang kakabus dili babag aron makab-ot ang mga pangandoy sa kinabuhi.
Si Edeu Myle Matulac nigradwar sa Bachelor of Elementary Education major in Special Education sa University of Southern Philippines Foundation (USPF) nagkanayon nga dalaygon ang moral nga kinaiya ug maayong mga record sa moralidad isip singer ug kompositor.
Si Lesieg Lyn Ann Macachor nakahuman isip Cum Laude ug usa ka Best Student Teacher Awardee sa Cebu Normal University-main campus sa kurso nga Bachelor in Elementary Education major in Special Education.
Siya ang Supreme Student Council president sa CNU ug nilingkod isip student regent nga nagrepresentar sa student body sa CNU Board of Regents.
Si Vince Blessel Jane Baron nigradwar nga Cum Laude sa University of the Visayas (UV) sa kursong Bachelor in Secondary Education major in English, valedictorian, service ug loyalty awardee ug giila isip College Most Outstanding Graduate ug makanunayon nga Dean's lister.
Siya sab isip Rotary Youth Leadership Awardee ug finalist sa Ayala Young Leaders Congress ug student leader.
Si Thalia Jimmina F. Hortezano, usa ka working scholar sa University of San Carlos College of Law-Dean's Office ug ang presidente sa Carolinian Working Scholar Association.
Siya nakadawat sa Most Outstanding Working Scholar Award ug ang Most Outstanding CAWSA Leader Award.
Si Clifford T. Cabalse nigradwar isip Magna Cum Laude sa kursong Bachelor in Secondary Education major in Mathematics sa Southwestern University-PHINMA.
Gawas sa iyang boluntaryo nga trabaho sa Guidance Office, nagserbisyo siya isip presidente sa Southwestern University-PHINMA College of Education Student Interns gikan sa 2017 ngadto sa 2018. Aktibo siyang miyembro sa Junior Educators 'Alliance (JEA). Rejena M. Sevilla, PIT Interns/GMR)(BANAT NEWS)