Magsuon gipamusil samtang sakay og motor
CEBU, Philippines — Gipusil ang magsuon nga taga Camolinas, Poblacion, Cordova kagahapon sa alas 2:30 sa kadlawon sa National Highway, Barangay San Miguel sa maong lungsod.
Ang magsuong biktima mao sila si Erlinda Cenabre, 53, kinsa nakaangkon og samad pinusilan sa ibabaw sa wala nga bahin sa iyang paa, ug Godofredo Cenabre, 50, kinsa nahiagum og samad pinusilan sa ibabaw nga bahin sa iyang tiil.
Human sa pagpamusil, ang mga biktima daling nakapangayo og tabang pinaagi sa pagtawag sa hotline sa police station ug girespondehan nilang SPO1 Ritche Abao ug SPO1 Cesar Ian Padillo.
Dali nga gidala sa Rescue Health Unit (RHU) sa Cordova ang mga biktima ngadto sa Vicente Sotto Memorial Medical Center.
Base sa imbestagasyon sa kapolisan nasayran nga adunay tulo ka tawo nga nagsakay og motorsiklo kinsa ni-overtake sa mga biktima ug kalit lang gipamusil.
Base sa kuha sa CCTV, usa ka suspek nailhan lang nga si Eqe, ulitawo, taga Bangbang sa maong lungsod.
Ang kapolisan nisusi sa pinuy-anan sa suspek apan wala na kini didto nagpuyo.
Matud ni SPO1 Erwin Gedorio nga hayan na-tripan lang ang mga biktima nga gikan nitambong og party. (BANAT NEWS)
- Latest
