Lolo nimolestiya sa iyang apo
Atol sa pagkasikop sa suspek, didto sa police station gitug-an sa bata ang malaw-ay nga binuhatan sa iyang apohan ngadto kaniya.Ang bata gipaubos karon sa pakisusi aron masuta ang kahimtang niini ug ipaubos kini sa stress de briefing samtang giandam ang kaso batok sa apohan. File
CEBU, Philippines — Gidakop sa kapolisan sa Lungsod sa Badian ang 54-anyos nga lolo kinsa giingong nilugos sa iyang minor de edad nga apo.
Ang bata nitug-an sa ilang maestra sa binuhatan sa iyang apohan ug kini na usab ang nagpakitabang sa Badian Police Station.
Dali nga niresponde ang kapolisan sa balay sa suspek ug biktima.
Atol sa pagkasikop sa suspek, didto sa police station gitug-an sa bata ang malaw-ay nga binuhatan sa iyang apohan ngadto kaniya.Ang bata gipaubos karon sa pakisusi aron masuta ang kahimtang niini ug ipaubos kini sa stress de briefing samtang giandam ang kaso batok sa apohan.
Samtang nagpahigayon og kalihukan nga gitawag og "Bayanihan: A Collaborative Conference About Trauma Informed Care" ang Kapitolyo nga gitambungan sa kapolisan, social workers ug local health officers.
Ang mamumulong sa maong conference mao ang medical director sa Global Initiative on Child Health and Well-Being at the International Centre for Missing and Exploited Children nga si Dr. Jordan Greenbaum uban ang medical head sa Pediatrics of the Women and Children Protection Center sa Vicente Sotto Memorial Medical Center nga si Dr. Naomi Navarro-Poca.
Ang maong conference maghatag og trauma-informed care training program para sa frontline providers sa Sugbo. — Nicha Salado
- Latest
