Ambulansiya libreng gamiton

Apan si Dr. Rene Catan ang pangulo sa PHO miingon nga libre kini kon emergency ang sitwasyon sa pasyente base sa tan-aw sa doktor  o ba kaha "certified indigent" o kabus ang pasyente. File

Ambulansiya libreng gamiton
Le Phyllis F. Antojado (Banat) - February 17, 2018 - 12:01am

CEBU, Philippines — Ang pangulo sa Provincial Health Office subling miklaro nga libre gyud ang paggamit sa mga ambulansiya sa mga emergency cases sa provincial ug district hospitals sa Sugbo.

Apan si Dr. Rene Catan ang pangulo sa PHO miingon nga libre kini kon emergency ang sitwasyon sa pasyente base sa tan-aw sa doktor  o ba kaha "certified indigent" o kabus ang pasyente.

Si Catan nipasabot nga lain-lain ang pagtan-aw sa mga tawo ug sa mga doctor sa mga "emergency cases".

"Ang pasyente, moadto na gani sa hospital, kondisyon gyud niya emergency. Pero it may not qualify as an emergency," matud ni Catan.

Matud niya kon ang kondisyon sa  pasyente "limb and life threatening" base sa tan-aw sa doktor mamahimo kining madala sa laing tambalanan  mahimong magamit ang ambulansya nga libre.

Nagpasabot walay gastohan ang pasyente.  Dili sila pabayron sa gasolina o sa driver tungod kay ang provincial o district hospital na ang mobayad niini.

Kadtong mga kabus nga pasyente magdala lang og certification gikan sa ilang LGU aron libreng magamit ang ambulansiya.

Base sa 2008 Revenue Code of Cebu, moabot ngadto sa P200 sa unang lima ka kilometro  ang ambulance fee ug dugang P20  sa mosunod nga kilometro.

Si Catan nagkanayon nga dili libre ang ambulansiya sa mga "non-emergency" cases hilabina nga kulang og ambulance ang mga provincial ug district hospitals.

Sumala ni Catan tag duha ra ka ambulansya ang anaa sa upat  ka provincial hospitals ug  tag usa ang 12 ka district hospitals. (BANAT NEWS)

AMBULANCE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with