CEBU, Philippines — Patay ang usa ka garbage collector ug unom ang angol human usa ka Isuzu Elf ang nawagtangan og control diha sa Barangay Sabang, Dakbayan sa Danao kagahapon sa buntag.
Ang nakalas naila nga si Gerardo Bueno, taga Barangay Lower Guisol ug kawani sa Danao City. Samtang ang mga naangol mao sila si Joel Arriesga, 24, Genecris Navales, Regie Ariesga, Alexandria Cabase, Jolly Castro ug Jessica Giango. Matud pa ni Police Officer 1 Jypsy Miro, Desk Officer sa Danao City Police Station, nagbiyahe ang Mitsubishi Canter nga gimaneho ni Joseph Perez padung sa Dakbayan sa Sugbo. Apan nawagtangan og kontrol ang drayber ug nibangga sa Isuzu Elf ni Sempruta Beduya, 27, ug nakaigo usab kang Bueno ug niangol sa pipila.
Daling gidala ang mga biktima sa Danao City Provincial Hospital apan nakutloan gayud sa iyang kinabuhi si Bueno.
Si Bueno adunay walo ka mga anak ug nagtrabaho na isip garbage collector sulod sa unom ka tuig. Ang driver nga si Beduya mitahan sa iyang kaugalingon ug gitanggong sa karsel samtang gipaabot pa ang pamilya sa mga biktima nga mopasaka og kaso. (BANAT NEWS)