CEBU, Philippines — Gitataw sa manager sa Cebu South Bus Terminal nga dili mohunong ang operasyon sa terminal inig ka gabii kini human nakadawat og pagsaway tungod sa giingong kutob lang sa alas 10 sa gabii ang operasyon niini.
“Ang gipasabot nga advisory is only the last trip, dili magpasabot nga sarado ang terminal, nagpahibalo lang ta nga kutob ra alas 10 ang last trip tungod kay ang nag 24-hours diha o ang naapektuhan ana kay ang Ceres ra gyud,” matud ni Joey Herrera.
Matud ni Herrera nga ang ilang advisory karon sa terminal alang usab sa mga pasahero aron makaplano kini sa ilang biyahe ilabi na karong Pasko.
“Maong alas 10 kay aron makaplano na sila kay they might wait a little longer nga 1 o’clock in the morning ang first trip sa Ceres. Alas 4 man gyud na ang first trip sa mga mini buses,” matud ni Herrera.
Gitataw ni Herrera nga dili tinuod nga manirado ang terminal inig abot sa gabii sanglit magpadayon gihapon ang ilang operasyon. (BANAT NEWS)