Gipatay sa tanod way criminal record
(Banat) - October 12, 2017 - 4:00pm

CEBU, Philippines — Walay nasubay nga criminal records sa pagpangawat ang napusilan sa duha ka tanod sa Ermita, Dakbayan sa Sugbo nga si Lendon Abadinas

Kini sumala pa sa imbestigador sa Homicide Section sa Cebu City Police Office nga si SPO2 Wetzel Berry.

Matud ni Berry nga nisukwahi sa ilang pagpakisusi ang pamahayag sa mga nidakop nga tanod sa Ermita nga usa ka notadong kawatan ang napusilan.

Giklaro ni Berry nga ang nakarehistrong pangalan sa biktima sa barangay ug sa Commission on Elections mao ang usa ka Lendon Abendan ug dili ang apelyedong Abadinas

Sa pagsuwat niining balita, wala pay tagtungod ni Abendan ang nidangop sa kapolisan maong padayon silang nanawagan niini.

Sa pikas bahin, sa gipagawas nga resulta sa autopsy nasayran nga pipila ka samad pinusilan ilabi na sa dughan ang gikamatyan ni Abendan.

Nunot niini sumala pa ni Berry nga wala'y panag-ilogay nga nahitabo sanglit nakapusas ang biktima apan niadtong una giangkon sa usa sa mga nidakop nga tanod nga si Jerome Miral nga gisumbag niya si Abendan tungod kay nisukol kaniya.

Nigawas sab sa death certificate nga walay natalang bun-og sa kalawasan ni Abendan.

Hingpit na nga napasakaan og kasong murder ang duha ka tanod sa Ermita subay sa nigawas nga resulta sa autopsy report. (BANAT NEWS)

Philstar
Facebook
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with