69-anyos nadawat sa call center

CEBU, Philippines — Nadawat dayon isip call center ang 69-anyos nga retiradong magtutudlo atol sa job fair sa Cebu City Sports Center niadtong Sabado.

Si Purdita Bellanosa nibisita sa opisina ni Cebu City Mayor Tomas Osmeña kagahapon sa buntag aron personal nga magpasalamat sa pagdasig sa mga business process outsourcing (BPO) companies nga modawat og mga senior citizens nga kwalipikado.

Sumala pa ni Bellanosa nga dili babag ang edad nga mamahimong productive sa ilang trabaho ug buot niyang ipamatuod nga kaya pa niya ang pagpanarbaho.

"I just have my confidence and praying to God that I will be accepted, luckily I was," matud ni Bellanosa.

Sa higayon nga dili niya kaya ang graveyard shift nga sagad maoy problema sa mga trabahante, matud ni Bellanosa nga mohangyo siya sa kompaniya kung unsay angay sa iyang pangedaron nga oras sa trabaho. Magsugod na sa iyang training si Bellanosa sunod Lunes. Si Osmeña niingon nga inspirasyon si Bellanosa sa ubang senior citizens nga ganahan makapangita og nindot nga kita. (BANAT NEWS)

Show comments