Pusher nisukol napusilan angol

CEBU, Philippines — Naangol ang pusher og shabu nga napusilan sa mga polis sa Lapu-Lapu City Police Office (LLCPO) sa buy-bust operation sa Barangay Buaya alas 8 pasado sa niaging gabii. Si Senior Inspector Alden Zambrano, hepe sa Presinto 5 sa LLCPO niila sa napusilan nga si Edgar Silawan, 37, nagpuyo sa maong dapit.

Matud ni Zambrano nga nakadawat sila og taho gikan sa mga silingan labot sa ilegal nga kalihukan sa suspek. Gihimo nila ang pagpaniid sulod sa pipila ka adlaw dayon gihimo ang buy-bust hinungdan sa pagkasikop sa suspek.

Dali unta nga niibot sa giluklok niyang armas ang suspek apan ang back-up nga polis sa poseur buyer maoy dali nga nakapusil sa suspek hinungdan sa pagkaangol. Nakuha gikan sa suspek ang gamay nga pakete sa shabu ug pagrekisa nakuha sab ang medium-size nga shabu.

(BANAT NEWS)