Luna giangkong puy-an sa bakwit sa Marawi
CEBU, Philippines - Higpit nga gibantayan sa kapolisan ang gikatahong pagdemolis sa mga namuyo sa pribadong luna sa Pajac, Dakbayan sa Lapu-Lapu.
Kini human ang kapin sa 100 ka molupyo ang giawhag sa grupo sa mga lalaki sa pagguba sa mga balay nga ilang gipuy-an tungod kay ang luna nahalin na nga maoy papuy-an sa mga bakwit gikan sa Marawi.
Nidangop ang mga residente sa buhatan ni Mayor Paz Radaza hinungdan nga gibutangan og mga polis ang lugar.
Buot sutaon ni Radaza kung legal ba ang pagpangangkon sa grupo sa mga lalaki pinaagi sa pagpakita og mga dokumento.
Kung tinuod, hangyo ni Radaza nga lugwayan og pipila ka adlaw hangtud makakita og kabalhinan ang mga molupyo.
Nitumaw ang tensiyon human ang giingong tinuod nga tag-iya sa luna nihimakak nga nahalin na ang luna. (BANAT NEWS)
- Latest