CEBU, Philippines - Gipaabot nga nia sa Sugbo ang Philippine National Police (PNP) chief, Director-General Ronald “Bato” Dela Rosa karong adlawa.
Kini isip guest of honor sa usa ka kalihukan sa Cebu Chamber of Commerce and Industry.
Matud ni Police Regional Office-7 Director Jose Mario Espino nga adunay imbitasyon si Dela Rosa apan wala pa silay nadawat nga confirmation kung makatambong ba kini o adunay ipadala nga representante.
Dugang ni Espino nga matag karon ug unya adunay mga imbitasyon nga madawat ang Chief PNP gikan sa Dakbayan sa Sugbo.
Sumala pa ni Espino nga walay kalihukan si Dela Rosa sa PRO-7 hinungdan nga walay kasigurohan nga mohapit kini sa ilang buhatan. (BANAT NEWS)