CEBU, Philippines - Posibleng karong adlawa libkason na sa Department of Health ang code white nga gisugdan sa wala pa ang Asean Senior Officers Meeting sa Dakbayan sa Sugbo.
Apan matud ni Dr. Expedito Medalla sa DOH-7 nga kung mosuroy pa ang mga delegado, aktibo pa ang city ug provincial incident management team.
Dugang pa ni Medalla nga bisan libkason na nila ang code white nakaandam gihapon sila sa DOH ug bisan ang ilang ulohang buhatan sa pagtabang gihapon kung adunay mga panginahanglanon.
Sukad sa nilabay nga semana, 19 ka ambulansiya ang gipakatap sa unom ka staging area, sa venue ug mga hotels nga gipangpuy-an sa mga delegado diin adunay 300 ka personnel gikan sa DOH-7.
Si Medalla nipadayag nga sukad niadtong Biyernes hangtud nahuman ang Asean SOM nakatala sila og 98 ka tawo lakip ang pito ka delegado nga ilang giatiman tungod sa gimulo sa lawas diin kasagaran mga hypertension ug urinary respiratory tract infection kon mga pag-ubo-ubo. - /GMR) (BANAT NEWS)