CEBU, Philippines - Nasikop sa mga sakop sa Toledo City Police Station ang 3 ka tawo nga nipahigayon og ilegal nga swertres sa Brgy. Bato.
Ang mga dinakpan mao sila si Riza Ann Gordionez, Runel Sicao ug Cresel Avenido nga pulos taga Brgy. Lagtang sa Siyudad sa Talisay.
Giingong nangagni og mamustahay ang tulo samtang nagdala og stab nga listahan sa mga numero, suwat sa kombinasyon sa numero ug ballpen.
Dihang nasigpatan sa kapolisan, gisikop dayon ang tulo diin nakuha sa ilang posisyon ang mga stab nga adunay kombinasyon sa mga numero, ballpen ug kwarta nga mokabat og kapin sa P500 nga gituohang kinitaan sa iligal nga sugal. (BANAT NEWS)