CEBU, Philippines - Patay ang usa ka aktibo nga barangay tanod human kini gipusil sa likod sa iyang ulo diha sa Garfield Street, Brgy. Pahina San Nicolas ning Dakbayan sa Sugbo kagahapon sa hapon.
Ang biktima giila nga si Wilfredo Lim, 51, nagpuyo sa maong dapit. Matud pa ni Police Officer 3 Winston Ybañez, imbestigador sa Homicide Section sa Cebu City Police Office nga nahinabi sa Banat News personal nga bikil ang ilang gitan-aw nga motibo.
Matud pa gikan nangasilyas ang biktima dihang kalit kining gipusil sa wala mailhing mamumuno nga nag-atang daan sa gawas sa pansayan.
Si Ybañez mitug-an nga niadtong nakalabay nga semana gikatahong nakakita og bikil ang biktima ug ilaha kini karong gisubay. (BANAT NEWS)