CEBU, Philippines - Ang Kapitolyo gikatakdang mogama og Memorandum of Agreement (MOA) tali sa Philippine Veterans Affairs Office (PVAO) aron ang mga war veterans sa probinsiya lakip na ang ilang mga dependent, makabenepisyo sa hospital services.
Ang Hunta Probinsiyal sa milabay’ng adlaw mipalabang og resolusyon nga nagtugot kang Gobernador Hilario Davide, III sa pag-finalized sa kasabutan tali sa PVAO nga mao ang pagpatuman sa Akta Republika 7696.
Ubos sa maong balaod, ang PVAO mo-accredit sa mga hospital sa gobiyerno nga naghatag og healthcare services ngadto sa mga beterano ug sa ilang beneficiaries.
Sa sunod semana, si Davide ug ang administrator sa PVAO nga si retired Lt. Gen. Ernesto Carolina, gikatakdang magpirmahanay na sa MOA.
Si Bokal Christopher Baricuatro kinsa maoy principal sponsor sa resolusyon nagkanayon nga ubos sa Local Government Code ang mga lokal nga kagamhanan adunay mandato nga mahatagan og sayon nga access ang eligible nga beterano ug ilang dependents sa hospital services. - /DILT) (BANAT NEWS)