Bata nadam-agan og trailer truck, patay
Jojo C. Ugdol (Banat) - March 1, 2017 - 12:00am

CEBU, Philippines - Namatay ang usa ka sayes-anyos nga batang lalaki kay nadam-agan kini og trailer truck dihang mikalit siya pagtabok sa karsada duol sa tunnel sa South Coastal Road sa wala pa ang udtong tutok kagahapon.

Ang bata giila nga si Jonas Cuyno, nga matud pa nagpuyo sa sitio Lawis, Barangay Pasil ning dakbayan sa Sugbo. Wala mahibaw-i kun ngano nga ang maong bata nahiabot man sa maong dapit.

Ang trailer truck nga nakaligis sa bata gimaneho ni Marlon Velos, 30, taga Barangay Subangdaku, dakbayan sa Mandaue. Ang trailer truck nagpaingon unta sa Talisay ang drayber wala makabantay nga mikalit paglabang sa karsada ang bata.

Ang mga imbestigador sa Traffic Patrol Group (TPG) nga gipangulohan ni Police Officer 2 Gaudencio Catig Jr., miingon nga wala na mapugngi pa sa drayber ang sakyanan ug nadasmagan gyud ang bata.

Matud pa nga ang bata gidali sa pagdala sa tambalanan apan ang mga doktor sa Cebu City Medical Center (CCMC) mideklarar nga patay na kining daan sa pag-abot sa ospital.

Wala dayon mahibaw-i kun aduna ba’y panagsabot-sabot tali sa drayber sa truck ug sa pamilya sa bata aron dili lang sila mopasaka og kaso sa hukmanan. (BANAT NEWS)

TRAILER TRUCK
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with