Mitahan sa Tukhang, nakuhaan og shabu
Jojo C. Ugdol (Banat) - March 1, 2017 - 12:00am

CEBU, Philippines - Natanggong sa selda sa Talamban Police Station human mapasakai og kaso ang usa ka 32 anyos nga lalaki nga mitahan na sa Oplan Tukhang human kini nadakpan nga nagdala og shabu atol sa gihimong checkpoint sa Sitio Tac-an, Barangay Budlaan sa Dakbayan sa Sugbo pasado alas 11 kagahapon sa buntag.

Ang dinakpan giila sa kapolisan nga si Niñolito Erana, taga Sitio Cambaog sa Barangay Pulangbato sa nahisgutang siyudad.

Ang hepe sa Talamban Police nga si PSInsp. Arieza Otida miingon nga samtang naghimo sila og check point sa dapit, ilang nasita ang suspetsado nga nagsakay sa iyang motorsiklo kay wala kini helmet ug walay side mirror ang iyang motorsiklo. Nasuta sab nila nga expired na ang lisensya niini.

Si Otida miingon nga human nila kini nasita, natingala ang mga polis nga nagkurog sa kahadlok ang suspetsado ug gipaningot.

Dihang nakakita kini og lugar, sekreto unta niini nga gilabay ang mga pinutos sa gituohang shabu apan nabantayan kini sa mga                         polis hinungdan nga gisikop.

Nakuha sa kapolisan gikan sa dinakpan ang tulo ka dagkong putos sa gituohang shabu nga mikantidad sa kapin P20 mil.

Miangkon sa mga polis ang suspek nga iya untang ihatod ang mga shabu sa Brgy. Pulangbato nga gikan niyang gikuha sa Brgy. Ermita.

Si Otida miingon nga napaubos na sa Oplan Tukhang si Erana nga anaa na sa ilang drugs watchlist ug niadtong Hulyo 9, mitahan kini sa kapolisan human miangkon nga tiggamitan og drugas. (BANAT NEWS)

TUKHANG
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with