CEBU, Philippines - Gikan sa usa ka milyon, P2 milyones na ang ihatag sa Probinsiya sa Sugbo ngadto sa Surigao nga naigo sa 6.7 magnitude nga linog niadtong Pebrero 10.
Niadtong Lunes atol sa regular session, ang Provincial Board niaprobar og laing usa ka milyon ka pesos alang sa Probinsiya sa Surigao del Norte.
Matud ni Provincial Secretary, Atty. Pulchra Marie Acevedo, nga desisyon ni Gobernador Hilario Davide III ug Bise Gob. Agnes Magpale nga mohatag og P2 milyones aron tag usa ka milyon alang sa Surigao City ug Probinsiya sa Surigao del Norte.
Karong adlawa mobiyahe si Davide kuyog ang pangulo sa Cebu Provincial Disaster Risk Reduction and Management Office (PDRRMO), Baltazar Tribunalo, aron personal nga itunol ang financial assistance ngadto sa Surigao. (BANAT NEWS)