CEBU, Philippines - Mobiyahe padulong sa Surigao City si Gobernador Hilario Davide III karong Huwebes kuyog ang pangulo sa Provincial Disaster Risk Reduction and Management Office, Baltazar Tribunalo Jr.
Personal nga itunol sa gobernador ngadto sa gobernador sa Surigao ang usa ka milyon ka pesos nga hinabang sa Probinsiya sa Sugbo sa maong lugar nga naigo sa 6.7 magnitude nga linog niadtong Pebrero 10.
Si Davide makigtagbo usab sa gobernador sa Surigao del Norte, Sol Matugas.
Si Tribunalo una na nga nagkanayon nga gawas sa tabang pinansyal, ang pagbisita nila dili lang pagtunol sa hinabang kung dili pag-assess sab sa nahitabo o sa epekto sa lugar sa maong linog ug kung unsa pay mamahimong matabang sa Probinsiya sa Sugbo ilabina sa technical nga suporta. (BANAT NEWS)