CEBU, Philippines - Adunay nahitabong landslide kagahapon sa alas 4:00 sa kadlawon sa Sitio Lanipao, Barangay Sapangdako, Dakbayan sa Sugbo.
Kini ang gipahibawo sa pangulo sa Cebu City Risk Reduction and Management Office ug Public Information Officer sa Siyudad sa Sugbo nga si Nagiel Bañacia.
Matud ni Bañacia nga dili na maagian ang dalan sa maong barangay lakip sa mga habal-habal.
Dali kining narespondehan kagahapon sa kadlawon ug gani alas 7:00 sa buntag kagahapon nakasulod na sa tunghaan ang mga tinun-an.
Dugang ni Bañacia nga gilimpyuhan na ang maong dapit nga nadahilian sa yuta.
Ang pagdahili resulta kini sa pag-uwan-uwan diin nihumok ang yuta. (BANAT NEWS)