Daghan pa way balay sukad sa Yolanda
Brenda D. Batuto (Banat) - November 9, 2016 - 12:00am

CEBU, Philippines - Human sa tulo ka tuig sa bagyong Yolanda, aduna gihapoy mga biktima sa bagyo nga hangtud karon wala pa kadawat og mga hinabang ug wala pa usab silay mga balay sama sa Lungsod sa Daanbantayan.

Ang National Housing Authority (NHA) nisaad nga mopatukod og 1,500 ka balay alang sa mga biktima sa bagyong Yolanda sa maong lungsod apan napatukod kapin pa sa 200 ka balay sa pagtabang usab sa mga non-government organizations.

Ang NHA giingong dunay problema sa luna nga tukuran sa kabalayan nga dili mopasar sa lagda sa Commission on Audit.

Matud ni Gobernador Hilario Davide III nga sa ilang habig sa probinsiya gihimo na nila ang ilang obligasyon sa paghatag og tabang ngadto sa mga biktima.

Giawhag ni Davide ang NHA nga maningkamot usab unta kini pinaagi sa paghangyo sa COA nga i-waive ang ubang rekisitos tungod kay ang mga biktima sa Yolanda nagkinahanglan og mga kapuy-an.

Dugang sa gobernador nga dili lang sa Daanbantayan lakip na ang ubang mga lugar sa probinsiya ang daghan pa ang nagkinahanglan og tabang. (BANAT NEWS)

YOLANDA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with