CEBU, Philippines - Gikatakdang mopagawas og cease and desist order ang Environmental Management Bureau sa Department of Environment and Natural Resources batok sa Big Blue Storage Plant sa Dakbayan sa Mandaue,
Kini nunot sa paghungaw sa ammonia sulod sa planta nga gikamatay sa kawani nga si Joseph Baguyon, 33, usa ka refrigeration technician ug laing usa sab ka kawani ang nagrabehan.
Matud ni Eddie Llamedo, tigpamaba sa DENR-7, nga ang CDO gitumong nga makorehian ang sayop aron dili na masubli ang maong panghitabo.
Kini naglakip sa pag-ilis og bag-ong ekipo, palig-onon ang maintenance ug ang pagseguro kanunay sa seguridad sa ilang mga trabahante.
Dugang ni Llamedo nga hangtud kanus-a makompleto sa kompaniya, una pa malibkas ang CDO. (BANAT NEWS)