CEBU, Philippines – Nasikop sa kapolisan sa Dakbayan sa Toledo ang usa ka lalaki nga nalutsan og warrant of arrest sa kaso’ng pagpangawat sa Barangay Poblacion.
Piyansa nga P100,000 ang girekomendar ni Regional Trial Court Judge Hermes Montero batok sa akusado nga si Ronald Nieves, 24-anyos.
Sa pagkasikop sa akusado, nakuhaan pa gyud kini sa iya’ng posisyon og drug sniffing paraphernalia.
Gikustodiya na sa Toledo City detention cell ang dinakpan ug mahatagan kini sa temporaryong kagawasan kun makapiyansa.
Samtang usa ka opisina sa Barangay Poblacion ang gilungkab sa wala mailhi’ng manglungkabay diin P30 mil ang nadagit.
Si Amelita Abay-abay, 56, ang nidangop sa Toledo City Police Station.
Nasayran nga pag-abli sa ila’ng opisina ila nala’ng nabantayan nga naabli na ang usa ka drawer nga gipanag-iya ni Karen May Jover hinungdan nga dali nila kini’ng gisusi ug nasuta nga nawagtang na ang mao’ng kantidad sa kwarta. – /GMR) (BANAT NEWS)